Copy Trading (Хуулбар арилжаа) нь зах зээлд шинээр орж буй болон завгүй арилжаачдад туршлагатай мэргэжлийн трейдерүүдийн арилжааг дагах боломжийг олгож арилжааны ертөнцөд томоохон өөрчлөлт авчирсан. Гэвч таны дагаж буй трейдер ашиг олохоо больж, алдагдал хүлээж эхэлбэл яах вэ?

Мэргэжлийн хамгийн шилдэг трейдерүүд ч алдагдал хүлээх үе тохиолддог. Ийм үед танд дараах зөвлөмжүүдийг хүргэж байна.

1. Тайвширч, нөхцөл байдлыг дүгнээрэй.

Сандарснаар буруу шийдвэр гаргах эрсдэлтэй тул эсрэгээрээ та дараах асуултуудыг өөрөөсөө асууж дүгнэлт хийгээрэй.

• Энэ богино хугацааны уналт уу, эсвэл урт хугацааны чиг хандлага уу?
• Трейдер өөрийн стратеги болон гүйцэтгэлийн талаар тайлбар өгсөн үү?
• Зах зээлийн нийт нөхцөл байдал муу байна уу, эсвэл зөвхөн энэ трейдерт нөлөөлөв үү?

Мэргэжлийн трейдерүүдийн хувьд тодорхой хэмжээний алдагдалтай зайлшгүй тулгардаг. Урт хугацааны гүйцэтгэл, эрсдэлийн менежментийг нь харьцуулж дүгнэлт гаргах нь чухал.

2. Трейдерийн өмнөх гүйцэтгэл ба стратегийг нягтал.

Хэн нэгнийг дагаж эхлэхийн өмнө дараах зүйлсийг сайтар ойлгосон байх хэрэгтэй.

• Арилжааны хэв маяг (scalping, тренд дагах, day trading гэх мэт)
• Эрсдэлийн түвшин
• Арилжааны дундаж үргэлжлэх хугацаа
• Өмнөх уналтууд болон хэрхэн уналтаасаа гарсан гэх мэт

Хэрэв таны дагаж буй трейдер урьдын адил стратегиараа ажиллаж байвал, энэ уналт нь зах зээлийн түр зуурын хөдөлгөөн байж болно. Харин стратегиа өөрчилсөн, эсвэл хэт эрсдэлтэй алхам хийж эхэлсэн бол болгоомжлоход илүүдэхгүй.

3. Өөрийн эрсдэлийн тохиргоог шалга.

MOTFX болон бусад платформууд танд трейдер тус бүрт хуваарилж буй хөрөнгийн хэмжээг удирдах боломж олгодог. Хэт их хөрөнгө нэг трейдерт хуваарилсан бол эрсдэл нэмэгддэг.

4. Трейдерийн мэдээлэл, тайлбарыг унш.

Мэргэжлийн олон трейдерүүд арилжааны үйл явц, шийдвэрүүдийнхээ талаар тайлбар, мэдээлэл хүргэдэг. Түр зуурын алдагдал нь урт хугацааны төлөвлөгөөний нэг хэсэг байж болох тул, трейдерийн бичсэн пост, тайлбарыг уншиж мэдээлэлтэй байгаарай.

5. Хэзээ зогсоохоо мэддэг байх.

Хэрэв тухайн трейдер:

• Тогтмол алдагдал хүлээж буй бол,
• Стратегиа огцом өөрчилж, ямар ч тайлбаргүйгээр эрсдэлтэй алхам хийж байвал дагахаа түр зогсоох эсвэл бүр мөсөн болих нь таны хувьд зөв шийдвэр байж болно.

6. Туршлага болгон суралц.

Аливаа алдаа дараа нь туршлага болж үлддэг. Та өөрөөсөө дараах асуултуудыг асууж үзээрэй.

• Би трейдерийн эрсдэлийн түвшинг ойлгосон уу?
• Би хэт их хөрөнгө хуваарилсан уу?
• Би сэтгэл хөдлөлөөр шийдвэр гаргасан уу?

Эдгээр асуулт танд ирээдүйд илүү ухаалаг шийдвэр гаргахад тусална.

Дүгнэлт.

Copy Trading нь ашиг олох боломжтой үйлчилгээ боловч эрсдэл мөн адил бий. Хэрэглэгч та өөрөө мэдээлэлтэй, идэвхтэй, хариуцлагатай байснаар хөрөнгөө хамгаалж, илүү ухаалаг арилжаа хийх боломжтой.

❕This content provides educational, data-driven insights and is not financial advice. Ensure you're well-informed and trade responsibly.