Форекс зах зээлд хөл тавьж буй шинэхэн арилжаачдад Copy Trading буюу хуулбар арилжаа нь туршлагатай арилжаачдын шийдвэрийг даган арилжаанд оролцох боломжийг олгодог. Гэвч бусад арилжааны хэлбэрүүдийн адил Copy Trading нь эрсдэлтэй талуудтай.

Энэ блогт бид анхан шатны арилжаачдын хамгийн түгээмэл гаргадаг 5 алдаа болон эдгээрээс хэрхэн урьдчилан сэргийлэх талаар танилцуулах болно.

1. Арилжаачдыг сайтар судлалгүйгээр дагах.

Шинэ арилжаачдын гаргадаг нийтлэг алдаа бол дагах арилжаачдаа нарийн судлалгүйгээр зөвхөн өндөр ашигтай арилжаачныг шууд сонгох нь элбэг. Гэтэл тухайн арилжаач маш өндөр эрсдэлтэй, тодорхойгүй стратеги хэрэглэдэг байж болно.

Сэргийлэх арга:

• Арилжаачдын арилжааны түүх, стратеги, эрсдэлийн түвшин, сарын дундаж ашиг, хамгийн их уналт (drawdown) зэргийг сайтар судлан шийдвэр гаргах.

2. Эрсдэлийн менежментийг үл тоох.

Copy trading ашиглаж байна гээд эрсдэлээс ангид байна гэсэн үг биш. Харин та өөрийн мөнгийг бусдын шийдвэрт даатгаж байгаа учир эрсдэлийн менежмент хамгийн чухал юм.

Сэргийлэх арга:

• Арилжаанд оролцохоос өмнө өөрийн эрсдэлийн менежмент, хязгаарыг тодорхойлох.
• Stop-loss, хэмжээ тохируулах, risk-to-reward харьцаа зэрэг аргуудыг ашиглан дансаа хамгаалах.

3. Бүх хөрөнгөө нэг л арилжаачид даатгах.

Туршлагагүй арилжаачид бүх хөрөнгөө нэг л арилжаачинд даатгаж хөрөнгө оруулах нь томоохон эрсдэл дагуулдаг. Хэрэв тухайн арилжаачны стратеги бүтэлгүйтвэл таны хөрөнгө бүрэн алдагдах эрсдэлтэй.

Сэргийлэх арга:

• Хөрөнгөө хуваарилж, хэд хэдэн өөр арилжаач дагах замаар стратегийн төрөлжилт (diversification) хийх. Мөн бага хэмжээгээр эхэлж, туршиж үзэх.

4. Хэт богино хугацаанд ашиг хүлээх.

Та ашигтай арилжаач дагаснаар шууд ашиг олох мэт санагдаж болох ч таны тэвчээргүй байдал буруу шийдвэрүүд нь эрсдэлтэй алхам байх боломжтой. Арилжааны үеэрх жижиг уналтаас үүдэн дагаж буй арилжаачнаасаа татгалзах нь ашиг олох боломжийг алддаг.

Сэргийлэх арга:

• Тогтвортой сэтгэл зүйгээр арилжаанд оролцох. Тууштай байх.

5. Шимтгэл, зардлыг тооцохгүй байх.

Copy Trading шимтгэл, зардлыг ихэнх анхан шатныхан анзааралгүй орхидог. Copy Trading үйлчилгээнд арилжаа тус бүрийн шимтгэл эсвэл сар бүрийн төлбөр зэрэг зардлыг тооцохгүй бол бодит ашгийг буруу үнэлж болзошгүй.

Сэргийлэх арга:

• Арилжаанд оролцохоосоо өмнө платформын шимтгэлийн бүтэц, зардал, арилжаачдын төлбөрийн нөхцөлийг бүрэн судлах.

Дээр дурдсан таван алдаанаас урьдчилан сэргийлснээр, та зах зээлийн ойлголтоо өргөжүүлж, тогтвортой, ашигтай арилжааны туршлага хуримтлуулах боломжтой.

❕This content provides educational, data-driven insights and is not financial advice. Ensure you're well-informed and trade responsibly.