Амжилтын цаана зөвхөн шаргуу хөдөлмөр бус, чанартай амралт, зөв амьдралын хэв маяг, тогтвортой сэтгэл зүй, эрүүл бие махбод зэрэг олон хүчин зүйл оршдог. Эдгээр нь таны бүтээмж, төвлөрөл, арилжааны гүйцэтгэлд шууд нөлөө үзүүлдэг.

Энэхүү нийтлэлээр бид таны амьдралыг хөнгөвчилж, бүтээлч байдал болон арилжааны амжилтыг нэмэгдүүлэхэд туслах бүтээгдэхүүнүүд болон зөвлөмжийг онцлон танилцуулж байна.

Төвлөрөлт болон бүтээмжийг дэмжих хэрэгслүүд:

Арилжаа бол цаг хугацаа, орон зайны хувьд эрх чөлөөтэй ажил бөгөөд та хаанаас ч, хэзээ ч арилжаа хийх боломжтой. Гэсэн хэдий ч гадны саад бэрхшээлээс ангид, өндөр төвлөрөлтэй байх нь амжилтын гол түлхүүр юм.

• Чихэвч: Зах зээлийн мэдээ, вебинар, подкаст сонсоход дууны чанар, тусгаарлалт чухал үүрэгтэй. Дуу тусгаарлагчтай, эргономик дизайнтай чихэвч нь гадны дуу чимээг хааж, анхаарлыг тань зах зээлийн хөдөлгөөн дээр төвлөрүүлнэ. Ийм чихэвчнүүд нь дууны чанар, тав тухыг хослуулсан байдаг.

Зөвлөмж: Чихэвчийг удаан хугацаагаар хэрэглэхийн тулд тав тухтай ,хөнгөн жинтэй, зөөлөн материалаар хийгдсэн загварыг сонгоорой.

• Standing Desk: Урт хугацааны суугаа ажил нь биеийн байдал болон анхааралд нөлөөлдөг тул эргономик загвартай ширээ, сандал нь тав тухыг хангаж, бүтээмжийг дэмждэг. Өндөр тохируулах боломжтой хөдөлгөөнтэй ширээ (standing desk) нь ялангуяа тренд болж байна.

Зөвлөмж: Эргономик байрлалыг хангахын тулд өндрийг нүдний түвшинд тааруулж, тогтвортой гадаргуутай бат бөх ширээ хэрэглээрэй.

Эрүүл мэнд, дасгал хөдөлөөн:

Арилжаачдийн амьдралын хэв маягт бие болон сэтгэцийн эрүүл мэнд онцгой чухал. Тархи идэвхтэй ажиллаж байх үед бие амардаг, харин бие махбод ажиллаж байх үед тархи амардаг. Тиймээс дасгал хөдөлгөөн бол арилжаачдад зайлшгүй хэрэгтэй зуршил юм.

• Спорт хувцас & хэрэгсэл: Спорт хувцаслалт нь зөвхөн биеийн хөдөлгөөнийг дэмжээд зогсохгүй, тав тух, загварыг хослуулсан орчин үеийн амьдралын хэв маягийн шинэ чиг хандлага болж байна. Биед эвтэйхнээс гадна чөлөөт, эрүүл амьдралын хэв маягийг дэмжсэн сонголт нь амьдралын чанарыг дээшлүүлж, бүтээмжийг нэмэгдүүлнэ.

Зөвлөмж: Дасгалын хувцас сонгохдоо биед эвтэй, хөлс шингээдэг, хурдан хатдаг материалыг илүүд үзээрэй.

• Фитнес: Арилжаачид ихэнх цагийг сууж өнгөрүүлдэг тул биеийн хөшилт, ядаргаа, стресс үүсэх нь элбэг. Харин дасгал хөдөлгөөн тогтмол хийх нь сэтгэлзүйн тогтвортой байдал, анхаарал төвлөрөл, шийдвэр гаргах чадварыг сайжруулж, амжилтад хүрэхэд шууд нөлөө үзүүлдэг. Фитнесс нь зөвхөн биеийн эрүүл мэнд төдийгүй сэтгэл зүйн тогтвортой байдалд чухал үүрэгтэй.

Зөвлөмж: Фитнес-д явах боломжгүй бол гэрийн нөхцөлд дасгалын бичлэг дагаж хийх, гүйх, алхах зэрэг энгийн хөдөлгөөнөөр орлуулах боломжтой. Хамгийн гол нь тогтмол хөдөлгөөн хийж, бие болон оюун санаагаа эрүүл байлгахад анхаараарай.

Технологи & ухаалаг хэрэгслүүд:

Хүчин чадал сайтай гар утас, зөөврийн компьютер, ухаалаг цаг яагаад хэрэгтэй вэ?

• Зөөврийн компьютер: Арилжааны платформуудыг саадгүй ажиллуулахын тулд өндөр хүчин чадалтай зөөврийн компьютер зайлшгүй хэрэгтэй. Жишээлбэл, өндөр хурдны процессортой, 16GB ба түүнээс дээш RAM, SSD хадгалах сан бүхий загваруудыг сонгоорой. Ийм компьютер нь олон платформыг нэгэн зэрэг ажиллуулж, бодит цагийн өгөгдлийг хурдан боловсруулна. Мөн авсаархан, хөнгөн загвар нь хаанаас ч арилжаа хийх боломжийг олгоно.

Зөвлөмж: Олон дэлгэцтэй ажиллах боломжтой авсаархан, хөнгөн загвар нь хаанаас ч арилжаа хийх боломжийг олгоно.

• Ухаалаг цаг: Ухаалаг цаг нь зах зээлийн мэдээлэл, үнэ ханшийн хөдөлгөөн, эдийн засгийн хуанлийн сануулгыг шууд хүлээн авах боломжийг олгоно. Түүнчлэн зүрхний цохилт, алхалтын тоо, нойрны чанарыг хянаж, эрүүл мэндийн тэнцвэрийг хадгалахад тусална.

Зөвлөмж: Арилжааны аппликейшнтэй нийцтэй, урт хугацааны батерейны ашиглалттай орчин үеийн загварыг сонгоорой.

• Ухаалаг гар утас: Хаана ч байсан зах зээлийн хөдөлгөөнийг хянах, арилжаа хийх, мэдээ мэдээлэл цаг алдалгүй авах боломжийг ухаалаг утас олгодог. Сүүлийн үеийн загварууд нь өндөр хурдны процессор, том дэлгэц, удаан ажиллагаатай батерейгаар хангадаг.

Зөвлөмж: Арилжааны платформ дэмждэг, өндөр хурдтай, цэнэгээ удаан барих чадвартай, том дэлгэцтэй ухаалаг утсыг сонгоорой. Мөн iOS, Android систем дээрх гол апп-уудтай нийцэж байгаа эсэхийг шалгахаа мартуузай.

Дүгнэлт:

Амжилттай арилжаа хийх нь зөвхөн зах зээлийн мэдлэг, стратеги төдийгүй эрүүл амьдралын хэв маяг, сэтгэлзүйн тогтвортой байдал, зөв хэрэгслийн сонголт зэрэг олон хүчин зүйлээс хамаардаг.Та арилжааны арга барил, сэтгэл зүйдээ анхаарч эхэлсний дараагаар таныг илүү үр дүнтэй, тухтай арилжаа хийхэд дэмжлэг болох бүтээгдэхүүнүүд чухал үүрэг гүйцэтгэнэ. Тиймээс өөрийн хэрэгцээ, арилжааны хэв маягтаа нийцүүлэн зөв хэрэгслүүдээ сонгож, арилжаагаа дараагийн түвшинд хүргээрэй!